Dende hai máis de 40 anos, contribuímos á consecución dunha sociedade neutra en carbono grazas aos nosos activos de xeración renovable. Con 300 MW en operación e máis de 1.000 MW en desenvolvemento, abordamos, desde as nosas orixes, a produción de enerxía exclusivamente mediante tecnoloxías limpas: eólica, solar, hidroeléctrica e biomasa.

Para os nosos clientes, desenvolvemos solucións avanzadas de autoconsumo que favorezan unha mellora nos seus custos e consumos e reduzan as súas emisións de CO2 mediante xeración eólica, fotovoltaica, biogás, hidróxeno e sistemas híbridos con almacenamento ou microrredes.

A nosa liña de aeroxeradores nED100, proporciona a máxima experiencia en instalación e operación para aproveitar e optimizar o recurso eólico para autoconsumo industrial e comercial. Convértete nun consumidor de enerxía xerada no punto de consumo. Inviste en independencia enerxética.

Os nosos equipos de almacenamento de enerxía e convertidores electrónicos nBESS e nGM, desenvolvéronse para asegurar a dispoñibilidade e resiliencia dos fluxos de enerxía en situacións de illamento, redes de distribución, supercargadores de vehículos eléctricos, industrias e plantas de xeración renovable. Poden funcionar conectados ou desconectados da rede.