A intelixencia na rede

Entrevista a Pablo Arboleya

Iniciamos a primeira entrevista do ano explorando un dos conceptos que máis está a transformar a forma na que entendemos e operamos o sistema eléctrico: a intelixencia da rede. A crecente dixitalización, a monitorización ubicua, a automatización avanzada e a integración masiva de electrónica de potencia levaron a que a estabilidade do sistema xa non dependa só da física, senón tamén do software. 

Para introducirnos neste novo paradigma contamos cun invitado excepcional: Pablo Arboleya, profesor titular na Universidade de Oviedo, cofundador do grupo LEMUR, SmartCities Chair de Xixón e cofundador de Plexigrid. Cunha traxectoria internacional que abarca estancias en institucións como a University of Illinois, UBC, A Sapienza ou o Conservatoire National deas Arts et Métiers de París, Pablo é hoxe una das voces máis influentes en dixitalización, xestión intelixente de redes e operación avanzada do sistema eléctrico. 

Nesta conversación, moderada por Víctor Sánchez, enxeñeiro de Electrónica de Potencia de Norvento TECHnPower, abordamos como cambiou a estabilidade da rede nunha contorna onde a información flúe máis rápido que a enerxía, os sensores observan en tempo real o que antes era invisible e os algoritmos participan activamente na toma de decisións.