Cargadores inalámbricos: o futuro da mobilidade

Os cargadores inalámbricos, alimentados con tecnoloxía de resonancia magnética inventada polos fundadores de WiTricity, fan que a recarga dos vehículos eléctricos sexa máis fácil e transparente para condutores, fabricantes de automóbiles e propietarios de infraestruturas. A innovación desta tecnoloxía é aínda máis relevante polo aumento da cantidade de vehículos eléctricos que está a ter lugar. Este aumento é debido a varias razóns: os fabricantes de automóbiles comprometéronse a electrificar a súa frota, os custos das baterías continúan baixando e os gobernos de todas as partes do mundo están a impulsar novas iniciativas contra o cambio climático que incentivan a e-mobilidade.

Unha vez que os fabricantes de automóbiles engadan a recarga inalámbrica aos packs de baterías dos seus vehículos, permitirán que os consumidores non se teñan que preocupar nunca máis de visitar unha gasolineira ou de conectar un cable, só terán que aparcar o seu vehículo sobre unha zona de recarga inalámbrica e deixalo alí, sen necesidade de ningunha interacción por parte do condutor. A tecnoloxía proporciona a mesma eficiencia e nivel de recarga que os cargadores convencionais de Nivel 2. Os novos estándares mundiais permitirán que calquera coche eléctrico de calquera fabricante poida ser recargado automaticamente e de maneira segura en puntos de recarga públicos en aparcamentos, garaxes ou en casas.

A vantaxe sen igual da recarga inalámbrica non só axudará a unha adopción masiva dos vehículos eléctricos, se non que tamén será unha parte fundamental da mobilidade do futuro, que incluirá vehículos autónomos e compartidos que terán que funcionar e recargarse sen intervención humana. Finalmente, a recarga inalámbrica integrarase tamén en paradas de taxis e de autobús, o que permitirá a estes vehículos facer unha recarga cando paren nos seus roteiros.

Por exemplo, o Proxecto INCIT-EV, está a levar a cabo varias probas en Europa que mostran o potencial tanto a curto como a longo prazo da tecnoloxía de recarga inalámbrica. Unha delas en Zaragoza, España, levará á práctica a idea de recarga en roteiro. En coordinación con CIRCE, un centro de desenvolvemento de tecnoloxía sostible, o proxecto INCIT-EV instalará puntos de recarga inalámbrica en paradas de taxi, así, os taxis poderán recargarse mentres que esperan a novos pasaxeiros.

Sen dúbida, a recarga inalámbrica é unha peza fundamental que favorecerá a expansión da e-mobilidade polo mundo. A medida que esta transición avance, veremos novos usos e aplicacións desta tecnoloxía.