Enerxía do futuro: ubicua

A radiación solar, o vento, a biomasa ou a auga son recursos renovables dispoñibles na natureza. Un dos grandes retos do noso tempo é o desenvolvemento de tecnoloxía para obter enerxía sostible en calquera lugar a partir destes recursos, o que permitirá garantir o acceso á electricidade a toda a poboación que aínda non dispón dela e axudará a diminuír as emisións contaminantes.

Na actualidade, aproximadamente 1 de cada 5 persoas non dispón de electricidade no seu fogar ou para levar adiante o seu negocio. Unha gran cantidade destas persoas son habitantes de zonas rurais illadas e afastadas da rede eléctrica onde o desenvolvemento de microrredes eléctricas nas que se aproveiten os recursos naturais renovables dispoñibles é a solución máis viable [1]. Existen iniciativas como o programa Lighting Africa (Iluminando África) coa misión de conseguir que máis de 250 millóns de persoas de África subsahariana que actualmente viven sen electricidade, accedan a produtos off-grid de iluminación e enerxía que sexan limpos, alcanzables e de calidade [2].

Tal e como reflexionou o secretario xeral das Nacións Unidas no marco do programa Enerxía Sostible para todos: «A enerxía é o fío dourado que conecta o crecemento económico, a igualdade social e a sustentabilidade ambiental [3].»

[1] Electricity Beyond The Grid – Accelerating Access to Sustainable Power for All. Informe no que se concentra a opinión e experiencia de dezaseis expertos envoltos en proxectos de electrificación off-grid en África y Asia: http://www.pwc.com/gx/en/energy-utilities-mining/pdf/electricity-beyond-grid.pdf

[2] http://www.lightingafrica.org/

[3] http://www.unfoundation.org/what-we-do/issues/energy-and-climate/clean-energy-development.html