Enerxía integrada na nosa vida

Durante os últimos anos, a presenza de fontes de enerxías renovables nos sistemas eléctricos pasou de ser algo anecdótico a ser unha realidade crecente e palpable para todos. Tanto nos países avanzados como naqueles en desenvolvemento, a xeración eléctrica renovable xa conta con certo peso no mix enerxético. Non nos sorprende atoparnos cun parque eólico ou unha planta solar de gran tamaño percorrendo as estradas, xa as asimilamos como parte da paisaxe rural.

Non é así nas zonas urbanas, onde a presenza de fontes renovables é aínda limitada. Existen razóns naturais para que así sexa como que o recurso existente, por exemplo: solar ou eólico, adoita estar limitado pola presenza de obstáculos. Tamén existen razóns económicas xa que o espazo é máis caro e estéticas, debido a que poden percibirse como invasivas polos cidadáns. A medida que as tecnoloxías evolucionan e se converten en máis avanzadas e máis competitivas en custo e que o compromiso coa sustentabilidade ambiental crece máis e máis, a presenza de fontes renovables en zonas urbanas ten máis sentido e pasa a ser unha necesidade.

O 60% da electricidade mundial consómese en edificios, concentrados na súa maioría en ditas zonas urbanas. A xeración eléctrica in-situ está cada vez máis presente en novos edificios, nalgúns casos por imposición da regulación local, noutros polo compromiso ambiental dos seus promotores e, noutros, por pura rendibilidade económica. En novos edificios, a integración planifícase dende o inicio da súa concepción, sempre tratando que respecte a beleza e utilidade arquitectónica. Con ese obxectivo, emerxen tecnoloxías que permiten integrar fontes de enerxía perfectamente camufladas. Cada día hai máis exemplos deste tipo, como as tellas solares de Tesla ou a tecnoloxía de Solaroad para integrar fotovoltaica en estradas.

Dende Norvento traballamos en acelerar o desenvolvemento dos edificios e cidades como actores principais do sistema enerxético do futuro.