Nota editorial | 12 desafíos para a transición enerxética

O blogue de Norvento cumpriu xa tres anos durante os que tentamos dar visibilidade á enerxía do futuro e a novas e innovadoras tecnoloxías que axudarán na transición enerxética. Durante estes anos, tivemos a sorte de contar con colaboradores de primeiro nivel de importantes institucións, empresas, universidades, etc. que nos transmitiron os seus coñecementos nos artigos que publicamos.

Cada ano centrámonos nun aspecto diferente do futuro da enerxía. Comezamos co blog en 2017, ano no que dedicamos os artigos para falar sobre as características da enerxía do futuro, falamos, entre outros temas, de enerxía ubicua, de circularidade, de enerxía limpa e integrada. En 2018 tratamos sobre tecnoloxías disruptivas no ámbito da enerxía e sobre o potencial para cambiar o mundo de innovacións como o grafeno, o blockchain, as microrredes ou a captura de CO2. O ano pasado centramos os nosos artigos en proxectos futuros e presentes de relevancia para a transición enerxética, proxectos como os parques eólicos flotantes, a fusión nuclear, a supercondutividade ou os aeroxeradores suspendidos no aire.

Neste cuarto ano, querémonos centrar en 12 desafíos á hora de conseguir transitar a un sistema enerxético sostible. Non só falaremos de desafíos tecnolóxicos, senón tamén de desafíos sociais, económicos e regulatorios. Para iso, cada mes entrevistaremos a un especialista na materia que responderá as nosas preguntas e que nos axudará a entender un pouco mellor os retos aos que nos enfrontamos para levar a cabo unha transición enerxética sostible.

Esperamos que sea do voso interese!

Comezar a ler