Nota Editorial 2021 | Disruptores de sempre

2021 está ao virar a esquina, o que significa que xa levamos catro anos dando visibilidade á enerxía do futuro e a tecnoloxías innovadoras que axudarán á transición enerxética grazas á participación no noso blog de colaboradores de primeiro nivel tanto de institucións relevantes, empresas, universidades ou centros tecnolóxicos.

Tras catro anos tratando temas como as características da enerxía do futuro, tecnoloxías disruptivas no ámbito da enerxía, proxectos futuros e presentes de relevancia para a transición enerxética ou entrevistando a especialistas que nos axudaron a entender un pouco mellor os diferentes desafíos polo clima aos que nos enfrontamos, neste quinto ano de vida do blogue de Norvento, queremos falar de 12 descubrimentos realizados por persoas disruptoras de agora e sempre e que inflúen e influirán no presente e futuro da enerxía.

Falaremos, entre outros, da importancia que ten hoxe en día o hidróxeno para a transición enerxética, elemento descuberto xa por Henry Cavendish en 1765; de como os Sistemas de Xestión Enerxética non serían posibles se Ada Lovelace non crease a primeira linguaxe de programación ou de como se Nikola Tesla non descubrise a transmisión inalámbrica de enerxía, hoxe non estariamos a falar de cargadores inalámbricos para vehículos eléctricos.

Esperamos que sexa do voso interese. Moitas grazas por lernos!