< Volver | 27 Xuño 2024

Outside the Earth

Entrevista a José López Miralles

Este mes de xullo abordamos unha temática totalmente disruptiva dentro da nosa liña editorial de 2024: o futuro enerxético no espazo.

A nosa compañeira Nerea Lema entrevista a José López Miralles, Doutor en Astrofísica na Universitat de València, e actualmente científico de Operacións Espaciais na Axencia Espacial Europea (ESA), para coñecer como se expón o futuro enerxético na exploración fora das nosas fronteiras planetarias.

Analizaremos as necesidades enerxéticas na exploración espacial, e expoñeremos escenarios que pasan por integrar diferentes instalacións renovables na lúa ou Marte.

José López Miralles

Gradúase en Enxeñería da Enerxía pola Universidade de Vigo (2017) con Premio Extraordinario Fin de Carreira da Comunidade de Galicia (2018). Posteriormente, obtén un Máster en Física Nuclear e de Partículas pola Universidade de Santiago de Compostela (2018). Doutórase Summa Cum Laude en Astrofísica pola Universidade de Valencia en 2023. Entre 2019 e 2023, realiza estancias de investigación en distintos centros, como a Universidade de Princeton, o MIT, a Axencia Espacial Europea ou a Universidade de Wurzburg, e publicou varios artigos científicos nas revistas máis importantes do seu campo.

Actualmente, traballa como científico de Operacións Espaciais na Axencia Espacial Europea (ESA), onde traballa para o Centro de Operacións Científicas de dúas misións: XMM-Newton, un telescopio de raios X, e o Observatorio Gaia, que estuda as estrelas da nosa Galaxia.

< Estamos preparados? Petrocalipsis >