Redes que resisten

Entrevista a Javier Roldán

A crecente electrificación e a integración masiva de enerxías renovables están a transformar a forma en que concibimos a resiliencia do sistema eléctrico. Neste novo escenario, as microrredes, a electrónica de potencia e os sistemas de control avanzados perfílanse como elementos clave para garantir una subministración segura, flexible e capaz de adaptarse a perturbacións cada vez máis complexas.

Nesta entrevista, Adolfo Ausín, responsable de Electrónica de Potencia de Norvento TECHnPower, conversa con Javier Roldán, investigador Ramón e Cajal da Universidade Politécnica de Madrid, doutor en Modelado de Sistemas pola Universidade Pontificia Comillas e unha das referencias nacionais en integración de convertidores de electrónica de potencia, estabilidade de redes eléctricas e sistemas grid-forming. Cunha traxectoria investigadora desenvolta en institucións como o Instituto de Investigación Tecnolóxica (IIT), IMDEA Enerxía e a UPM, Javier participou en numerosos proxectos de investigación relacionados coa transición enerxética e a evolución dos sistemas eléctricos.

A conversa analiza como as microrredes, os convertidores grid-forming e as novas tecnoloxías de control están a permitir desenvolver redes máis resilientes, descentralizadas e autónomas, capaces de manter a estabilidade mesmo en contornas illadas, industriais ou cunha elevada penetración de xeración renovable.