Norvento abre un novo centro de traballo no Concello de Mondoñedo

Lugo, 21 de xaneiro de 2020.- Norvento, compañía española de tecnoloxías de enerxías renovables, abriu un novo centro de traballo no Concello de Mondoñedo, municipio no que xa se atopa a sede social da empresa Norvento Estelo. As novas instalacións están no Centro de Control que a compañía construíu xunto á subestación dos parques eólicos Sasdónigas e Sasdónigas Fase II, que comezaron a operar a finais de 2019. 

A apertura enmárcase no programa Doing Business promovido pola Consellería de Economía, Emprego e Industria da Xunta de Galicia, no que participa o Concello de Mondoñedo, e supón a creación de 5 novos empregos de técnicos especialistas para o mantemento das instalacións que Norvento ten na provincia lucense. 

A creación deste centro responde o compromiso de Norvento por promover o desenvolvemento económico e social no territorio galego a través da súa actividade. 

Acerca de Norvento 

Norvento é unha empresa española de tecnoloxías renovables con capacidade de actuación integral. Con sede en Lugo (Galicia), a compañía é 100% de capital español e leva décadas operando no mercado. A actividade de Norvento abarca desde a fabricación de tecnoloxía, o deseño, promoción, construción e explotación de instalacións de enerxías renovables de xeración centralizada (parques eólicos fundamentalmente), ata proxectos de xeración distribuída para o sector industrial, así como solucións ad hoc de enxeñería enerxética. Con presenza en diversos mercados internacionais, Norvento conta hoxe con máis de 1000 MW de plantas de xeración renovable en operación, construción e desenvolvemento, tanto en España como noutros mercados.