Frigoríficos Bandeira aposta polo biogás da man de Norvento Enerxía-Forestación Galicia

• O proxecto supoñerá o investimento de preto de 4 millóns de € e evitará a emisión de máis de 400 toneladas de CO2 anuais.

• Este acordo entre Norvento Enerxía, Forestación Galicia e Frigoríficos Bandeira supón un avance cara á implementación de solucións renovables na industria cárnica.

• Está previsto que a instalación entre en funcionamento en setembro de 2023.

Frigoríficos Bandeira S.L., compañía galega líder no sector cárnico, dedicada ao sacrificio e despezamento de gando bovino, está a levar a cabo un ambicioso plan de mellora das súas instalacións de Bandeira baseado na sustentabilidade e redución da pegada ambiental.

Para iso, e da man de Norvento Enerxía e Forestación Galicia, promove unha solución que abarca de forma integral a valorización de subproductos procedentes do matadoiro, a xeración de enerxías renovables e o tratamento integral das augas residuais.

O proxecto impulsado por Frigoríficos Bandeira, que supoñerá o investimento de case catro millóns de euros, permitirá valorizar enerxéticamente o seu efluente e/o subproductos, así como un sistema de depuración para o tratamento do dixestato procedente da mesma, permitindo pechar o ciclo da xestión dos residuos do matadoiro.

Descarbonización do sector cárnico: explorando o biogás

Está previsto que esta instalación bote a andar en setembro de 2023. Calcúlase que esta nova planta, teña capacidade para tratar 30.000 toneladas anuais de subproductos orgánicos xerados no proceso produtivo de Frigoríficos Bandeira, incluíndo deyeccións gandeiras, augas de proceso ou rumen.

A dixestión anaerobia desta matriz residual xerará uns 7.000 MWh anuais de biogás, que serán utilizados para a xeración de enerxía eléctrica e térmica en forma de vapor, satisfacendo a case totalidade das necesidades enerxéticas das instalacións da empresa cárnica. En concreto, cubrirá o 80% da demanda eléctrica e o 100% da térmica.

O proxecto de execución comprende tamén a instalación dun sistema de depuración, que se compón dunha serie de procesos, tanto físicos como químicos e biolóxicos, nos que se eliminará a carga contaminante do dixestato e outros efluentes líquidos ata conseguir unha vertedura final a rede de saneamento que garanta que se cumpran os niveis esixidos polas ordenanzas municipais.

Cara á transición enerxética renovable en Galicia

O obxectivo da instalación é reducir considerablemente as emisións de gases de efecto invernadoiro ou GEI ao evitarse a emisión de metano que, de forma natural, xera a descomposición de materiais orgánicos, especialmente os xurros e esterco, á vez que se alcanza a total substitución do combustible fósil actualmente utilizado por un gas renovable non contaminante. Así, estímase prospectivamente unha redución deste tipode emisións, de máis de 400 toneladas de CO2 anuais.

Ademais, a limitación do transporte de residuos ao xestionarse as mesmas na propia instalación, sen necesidade de acudir a centros ou entulleiras especializados, consegue minimizar simultaneamente a pegada de carbono e os custos de operación deesta empresa líder en produtos cárnicos.

Frigoríficos Bandeira apostou polo biogás como fonte de enerxía renovable e sostible xa que ofrece unha variedade de beneficios ambientais e económicos, incluída a xestión de residuos, a redución de emisións e a xeración de enerxía.

Tanto os proxectos e produtos enfocados a biogás como o resto das solucións de Norvento e Foresga, reflicten a súa concepción do sector e valores, desde a excelencia no deseño, ata ofrecer un rendemento óptimo, adecuado ás necesidades concretas do cliente. Todo iso da man da tecnoloxía de vangarda da enerxía distribuída, abarcando a xeración, o almacenamento, e a xestión e control da enerxía en solucións sofisticadas en torno ao autoconsumo, as microrredes e as comunidades enerxéticas.

‘É un pracer poder colaborar en proxectos como este, que contan cun compoñente local e ambiental tan importante. O biogás preséntase como unha das opcións máis interesantes para a industria cárnica, axudando ás compañías á súa descarbonización, baixo os principios da economía circular, mediante o aproveitamento de subproductos ou residuos como materias primas. Desde Norvento Enerxía seguiremos traballando para que o sector cárnico e outros moitos atopen o seu camiño na transición enerxética renovable’, sinala Juan Morilla, director de Operacións de Norvento.

Pola súa banda, Fernando Vargas, xerente de Foresga, engade que ‘En Galicia temos o potencial e a capacidade para liderar a xeración nacional de enerxías renovables, e tamén debemos dar un paso decidido para a súa xeración a partir dos residuos das nosas industrias agro-gandeiras e de primeira transformación. Este proxecto de Frigoríficos Bandeira é un claro exemplo das posibilidades que se abren nestas industrias para a mellora da súa eficiencia enerxética e a redución das súas emisións de gases de efecto invernadoiro coa valorización dos seus residuos’.

Isabel Martínez Cochón, directora xeral de Frigoríficos Bandeira, destacou que “Este proxecto demostra o noso firme compromiso por impulsar unha industria cárnica que aposta por un modelo produtivo sostible e respectuoso co medio ambiente. Pretendemos cubrir unha porcentaxe significativa das nosas necesidades enerxéticas con enerxía renovable xerada in situ e dar unha solución integral e competitiva aos subproductos derivados das nosas actividades. En resumo, desde Frigoríficos Bandeira queremos promover a sustentabilidade, a eficiencia enerxética e a responsabilidade ambiental dentro da industria cárnica”.