- Grupo Lence contará cunha planta fotovoltaica cunha potencia de 952 kWp nas súas instalacións do polígono de O Ceao, en Lugo.
- Este acordo entre Norvento Enerxía e Lence supón un avance cara á implementación de solucións renovables na industria alimentaria.
- Norvento Enerxía acompañará a Lence no proxecto LuGaz, que ten como obxectivo escalar unha tecnoloxía nova de produción e upgrading de biogás para a obtención de biometano apto para inxección en rede de gas.
Norvento Enerxía, empresa xeradora de enerxía renovable, tecnoloxía asociada a produtos e solucións enerxéticas avanzadas, colaborará con LENCE (Grupo Leite Río S.A), a empresa que lidera o sector lácteo galego, executando varios proxectos renovables que contribuirán á descarbonización do sector alimentario.
O proxecto, impulsado por ambas as compañías, consistiu na instalación dunha planta fotovoltaica para autoconsumo nas oficinas centrais do Grupo Lence en Lugo, situadas no polígono de O Ceao. Trátase dunha instalación cunha potencia de case 1 MW, o que implicará para a compañía leiteira, un aforro enerxético do 22,5%, evitando así a emisión de 401.641 kg/ano CO2 á atmosfera. Está prevista que a instalación se poña en marcha en ao longo deste ano.
LuGaz, solucións renovables para o sector alimentario
Ademais, Norvento Enerxía acompañará a Lence no proxecto LuGaz, que ten como obxectivo escalar unha tecnoloxía nova de produción e upgrading de biogás para a obtención de biometano apto para inxección en rede de gas, e á súa vez valorizar o dixerido para a obtención dun produto fertilizante e o reúso de auga a partir de residuos agroindustriais de Lugo e arredores.
Tanto os proxectos de biogás como o resto de solucións enerxéticas despregadas por Norvento, reflicten a súa concepción do sector e valores: desde a excelencia no deseño, ata ofrecer un rendemento óptimo, adecuado ás necesidades concretas do cliente. Todo iso da man da tecnoloxía de vangarda da enerxía distribuída, abarcando a xeración, o almacenamento, e a xestión e control da enerxía en solucións sofisticadas en torno ao autoconsumo, as microrredes e as comunidades enerxéticas.