A empresa española Norvento leva a ECOBUILD 2017 a súa aposta pola intelixencia enerxética para edificios a través das renovables

• Norvento pretende facer dos servizos de enxeñería enerxética sostible para edificios una das pedras angulares da súa expansión internacional a partir de 2017, xunto co negocio estratéxico da xeración distribuída para o autoconsumo industrial.

• A empresa está a traballar con socios estratéxicos como arquitectos, promotores e empresas de enxeñería de edificios para que os sistemas enerxéticos dos edificios aproveiten a oportunidade que ofrece un novo modelo enerxético en expansión. Este modelo inclúe a xeración renovable in situ, a xestión intelixente da enerxía e o autoconsumo.

Norvento, compañía española de tecnoloxías renovables con capacidade de actuación integral, presentará en Ecobuild 2017, un dos principais eventos mundiais de deseño, construción e arquitectura sostible, a súa liña de enxeñería avanzada para edificios e sedes corporativas, coa que pretende posicionarse á vangarda das novas tecnoloxías de construción sostible.

Con máis de 35 anos de experiencia no campo das enerxías renovables, Norvento ampliou as súas capacidades no ámbito dos edificios intelixentes e sostibles. O obxectivo é que os sistemas enerxéticos dos novos edificios aproveiten as oportunidades que ofrece un novo modelo de produción, almacenamento e xestión da enerxía baseado nas enerxías renovables e o autoconsumo.

A colaboración profesional con arquitectos, empresas promotoras e empresas de enxeñería de edificios, xunto co desenvolvemento de tecnoloxías renovables, permite a Norvento dispoñer dunha capacidade de actuación integral. Dispón de recursos humanos e tecnolóxicos para desenvolver edificios ultrasostenibles desde as primeiras fases do proxecto ata a súa finalización e mantemento.

Intelixencia enerxética: aforro, autonomía e redución da pegada de carbono

As actuacións e proxectos de enxeñería de Norvento no ámbito da edificación teñen como obxectivo garantir a máxima redución das necesidades enerxéticas do edificio para acadar a supereficiencia no consumo e a redución máxima da súa pegada de carbono. Neste sentido, un elemento fundamental é dotar os edificios das súas propias microrredes que integren múltiples tecnoloxías renovables (eólica, solar fotovoltaica, xeotérmica etc.) para o autoconsumo de enerxía, que estean apoiadas por sistemas de almacenamento a través de baterías.

Isto permite dispoñer de edificios moito máis sostibles desde o punto de vista económico e ambiental, así como máis autónomos e resistentes á dependencia enerxética ou aos riscos de subministración. En definitiva, edificios gobernados por unha verdadeira intelixencia enerxética.

Norvento pretende converter os servizos de enxeñería para edificios nun dos eixos principais da súa expansión internacional a partir de 2017. Un piar que se uniría sinérxicamente ao outro negocio consolidado de xeración de enerxía distribuída para autoconsumo industrial, onde a compañía xa cultivou importantes éxitos en países veciños, como o Reino Unido.

En palabras de Manuel Pinilla, director comercial de Norvento, “Os edificios non son alleos aos avances no sector enerxético e cada vez teñen máis importancia na cadea de valor da enerxía. Aproveitando os recursos naturais mediante a integración de fontes renovables nos edificios e sendo máis eficientes no consumo, podemos lograr un equilibrio entre sustentabilidade e eficiencia económica.”

Sobre Norvento

Norvento é unha empresa española de tecnoloxías renovables con capacidade de actuación integral. Con sede en Lugo (Galicia), a compañía é 100% de capital español e leva máis de 35 anos operando no mercado. A actividade de Norvento abarca desde a fabricación de tecnoloxía, o deseño, promoción, construción e explotación de instalacións de enerxías renovables de xeración centralizada (parques eólicos fundamentalmente), ata proxectos de xeración distribuída para o sector industrial, así como solucións ad hoc de enxeñería enerxética. 

Con presenza activa en cinco mercados internacionais (Reino Unido, Brasil, Estados Unidos, Polonia e Italia), Norvento conta hoxe 110 MW en operación en España e un pipeline de 597 MW en diferentes fases de desenvolvemento.