Norvento Enerxía deseñará e fabricará un prototipo de pa de aeroxerador reciclable no marco do consorcio europeo EOLIAN

• O proxecto EOLIAN conta cun financiamento total de 4 millóns de euros por parte da Unión Europea.
• Esta iniciativa ten como obxectivo fundamental o desenvolver un prototipo de pa sostible cunha durabilidade e facilidade de mantemento melloradas.
• Norvento Enerxía será o responsable de levar a cabo o deseño e fabricación de dous prototipos de pa, enfocados en realizar ensaios acerca da idoneidade das tecnoloxías e materiais empregados.

Norvento Enerxía formará parte do proxecto EOLIAN, un consorcio composto por dez compañías e centros de invesitación do sector enerxético a nivel europeo dotado cunha axuda de 4 millóns de euros por parte da Unión Europea.

O proxecto, cuxo inicio se prevé para xuño de 2024, cunha duración de tres anos e medio, ten como obxectivo fundamental o desenvolver pas reciclables para aeroxeradores, cunha durabilidade e facilidade de mantemento melloradas. Dentro do consorcio, Norvento será a empresa responsable de deseñar e fabricar dous prototipos de pa. Unha delas será de concepción clásica (non reutilizable) e a segunda fabricarase con materiais reutilizables, empregando para elo una resina vitrímera reciclable e reparable, cun contido de componentes “bio” significativo, combinada con fibras de basalto.

Poñendo o foco no deseño sostible

A compañía galega desempeñará un papel crucial dentro do proxecto Eolian, ao ser a responsable de desenvolver e producir estos dous prototipos de pas de 14 metros de lonxitude, pensadas para empregar no seu modelo de aeroxerador nED100.

Norvento liderará así mesmo a investigación sobre as propiedades mecánicas dos materiais compostos de orixe bio e fibras de baslato, impulsando o desenvolvemento de pas máis eficientes e sostibles. Igualmente, a empresa colaborará con outros socios para avaliar a eficiencia no deseño e a fabricación destes prototipos, realizando unha análise detallada de LCOE (levelized Costo f Energy) e un estudo do seu ciclo de vida (LCA). A compañía tamén participará en probas de durabilidade e operabilidade de subcompoñentes, incorporando sensores embebidos para unha monotorización estructural da pa precisa.

Ademais de Norvento Enerxía, formarán parte do proxecto o Politécnico de Milán, a Fundación Tekniker, e o Consorzio Proplast, que serán os encargados do desenvolvemento de material avanzado baseado en ligazóns covalentes dinámicos. Doutra banda, Brunel University London e proxectos como Entelea Limited e Ires –Innovation in Research and Engineering Solutions– traballarán na modelización multiescala e caracterización da química dos vitrímeros das pas. Paralelamente e de maneira transversal desenvolverán o proxecto a nivel de metodoloxía, a empresa de enerxía ZRL Enerji Elecktrik Uretim As, a Association Europeenne de Lindustrie Deas Composites e a compañía italiana AEP Polymers SRL.

Con esta participación, Norvento reafirma o seu liderado no desenvolvemento de tecnoloxías de vangarda, e o seu compromiso coa innovación na transición cara a un modelo de enerxía limpo e descarbonizado. Unha posición que converte á empresa galega nun embaixador destacado da industria española en proxectos europeos de gran relevancia estratéxica.