Norvento Enerxía despregará na sede de Extrugasa a maior instalación de autoconsumo fotovoltaico de 2,2 MW de Galicia

Norvento Enerxía, empresa galega experta en xeración de enerxías renovables, despregará unha instalación de autoconsumo fotovoltaico de 2,2 MWp para Extrugasa, empresa líder mundial en extrusión de aluminio. É a maior instalación fotovoltaica de autoconsumo destas características instalada en Galicia ata a data e unha das maiores de todo o país. Deste xeito, Extrugasa avanzará na súa estratexia de sustentabilidade apostando pola xeración de enerxía de forma eficiente e sostible utilizando fontes renovables.

O proxecto permitirá a Extrugasa satisfacer ata o 25% da demanda enerxética das súas instalacións mediante fontes renovables xeradas in situ, e terá un impacto ambiental positivo similar ao da plantación dunhas 93.000 árbores na zona, xa que Deste xeito, evitarase a emisión á atmosfera de 932 toneladas equivalentes anuais de CO2.

Así mesmo, a instalación servirá de base para futuros proxectos orientados ao autoconsumo enerxético para Extrugasa, xa que permitirá á empresa compaxinar dita instalación con sistemas de almacenamento de enerxía.

Podes ler toda a información na nota de prensa