Norvento Enerxía implementa un dos seus avanzados convertidores de electrónica de potencia en Chile

• A solución de Norvento formará parte dun sistema híbrido de enerxía fotovoltaica e hidroeléctrica, situada nos arredores de Santiago de Chile.

• A tecnoloxía Norvento Gridmaster Converter (nGM), facilita a integración da almacenaxe de enerxía renovable en instalacións eléctricas.

• A empresa reforza así a súa presenza internacional e o seu compromiso coa transición cara a un modelo enerxético sostible.

Norvento Enerxía, líder galego en enerxía renovable e tecnoloxía para a xeración, xestión e almacenamento de enerxía, colaborou como subministrador a través dun proxecto chave que promove a independencia enerxética en sectores tradicionais en Chile.

En concreto, Norvento forneceu un nGM de 200 kVA, para un sistema híbrido de enerxía fotovoltaica e hidroeléctrica, que mellorará a xestión e o almacenamento eficiente de enerxía, facilitando a arbitraxe.

A solución Norvento Gridmaster Converter (nGM), é unha plataforma de convertidores de electrónica de potencia que permite a almacenaxe enerxética e que pode operar conectada á rede, en redes débiles ou en sistemas illados e microrredes. Esta tecnoloxía será fundamental para optimizar a integración de fontes de enerxía renovable en sistemas híbridos, demostrando como as solucións tecnolóxicas poden mellorar a eficiencia e a sustentabilidade na xeración eléctrica.

Tecnoloxía galega alén do Atláncico

Este proxecto en Chile reforza o papel de Norvento como un líder tecnolóxico na transición enerxética a nivel internacional. Ao ofrecer solucións que permiten optimizar a xestión de recursos renovables e mellorar a eficiencia enerxética, Norvento demostra unha vez máis o seu compromiso co desenvolvemento de tecnoloxías que promovan a independencia enerxética.

“Os nosos convertidores de electrónica de potencia nGM representan unha oportunidade para empresas e comunidades, permitíndolles xestionar e almacenar eficientemente os seus recursos enerxéticos”, comenta Juan Morilla, director de Operacións de Norvento. “Estamos comprometidos en ofrecer solucións versátiles que faciliten a transición cara a un modelo enerxético máis sostible, permitindo aos nosos clientes aproveitar ao máximo as fontes renovables dispoñibles e así volverse máis autosuficientes.”