Norvento Enerxía, compañía especializada en tecnoloxías e solucións renovables, estará presente na III Edición de RENMAD Almacenamiento, organizado por ATA Insights e que se celebrará os próximos días 21 e 22 de xuño. A compañía galega presentará no congreso algunas das súas últimas solucións de almacenamento enerxético, a súa experiencia e capacidade de actuación neste novo sector. Este encontro reunirá aos expertos nacionais e internacionais de almacenamento e persegue profundar no coñecemento sobre como deseñar, promover, construír e operar proxectos de almacenamento rendibles en España.
Concretamente, os visitantes poderán coñecer de primeira man algúns dos produtos tecnolóxicos deseñados e fabricados por Norvento en España e por suposto, obter información sobre as solución NBESS (norvento Battery Energy Storage System). Trátase de solucións contenerizadas, totalmente integradas e listas para o seu despregamento inmediato, que buscan satisfacer as necesidades de almacenamento e xestión de fluxos de enerxía eléctrica en sistemas illados, redes de distribución, supercargadores, industrias e plantas de xeración renovable, con capacidades de almacenamento entre 100 e 2.000 kWh e con potencias entre 50 kVA e 1.000 kVA.
Ademais desta solución, Norvento Enerxía mostrará en RENMAD o seu convertidor electrónico de potencia, nGM (norvento GridMaster converter), proxectado para simplificar o deseño, a integración e a posta en marcha do almacenamento de enerxía en microrredes e sistemas de xeración distribuída, tanto illados como conectados á rede.
Tanto estes productos como o resto das solucións de Norvento reflicten a súa concepción do sector e valores, dende a excelencia no deseño, ata ofrecer un rendemento óptimo, axeitado ás necesidades concretas do cliente. Todo iso da man da tecnoloxía de vangarda da enerxía distribuída, abarcando a xeneración, o almacenamento, e a xestión e control da enerxía nas solucións sofisticadas en torno ao autoconsumo, as microrredes e as comunidades enerxéticas.
Innovando no desenvolvemento de tecnoloxía propia
Norvento Enerxía tamén participará na mesa redonda “Como introducir o almacenamento aos clientes de autoconsumo”. En concretom Juan Alberto Marrero Sosa, responsable da Unidade de Negocio de Electrónica de Potencia da compañía explicará como o seguinte paso no autoconsumo consiste na hibridación con almacenamento, o que dota aos consumidores eléctricos dunha maior autarquía, e permítelles dar o o paso cara a consumidores máis activos (coñecidos como “prosumers”). Juan Albertodetallará a experiencia de Norvento neste sector, no que leva xa tres anos actuando, con numerosos proxectos de éxito.