Norvento instala na Pastoriza un parque eólico experimental pioneiro

O Vicepresidente primeiro e Conselleiro de Economía, Industria e Innovación da Xunta de Galicia, Francisco Conde, inagurou este venres 7 de outubro o primeiro Parque Eólico Experimental para solucións de autoconsumo en España, impulsado por NorventoEnerxía. Ao encontro tamén acudiu Pablo Fernández Castro, Presidente de Norvento Enerxía. O Parque Eólico Experimental nED, ubicado no Concello lucense da Pastoriza, foi deseñado como plataforma de ensaio das diferentes tecnoloxías de xeración e almacenamento enerxético renovable da compañía.

Este Parque Experimental forma parte do plan estratéxico de Norvento Enerxía que vincula o desenvolvemento de novos parques eólicos coa consolidación e crecemento do proxecto tecnolóxico e industrial no ámbito da xeración renovable e o almacenamento enerxético. O investimento tecnolóxico e industrial vinculado a este parque experimental alcanzará un investimento aproximado de 50 millóns de euros.

O Parque permitirá instalar, e polo tanto testear, aeroxeradores entre 100 e 900 kW que deseña e fabrica Norvento. Estas turbinas son aeroxeradores de accionamento directo e funcións de control avanzado, e están deseñadas coa tecnoloxía máis innovadora do sector eólico para proporcionar baixos prezos da enerxía en proxectos de enerxía distribuida e repotenciación de parques eólicos existentes co mínimo impacto.

Numerosos medios fanse eco da noticia. Podes ler toda a información na nota de prensa