Norvento lanza o seu novo aeroxerador nED100 para autoconsumo industrial, capaz de producir ata 400 MWh/ano

• O novo modelo presenta melloras loxísticas, de instalación, operación e mantemento respecto do seu predecesor, do que a empresa despregou decenas de unidades no Reino Unido. 

• Norvento desenvolveu melloras no acceso á turbina, un deseño máis compacto, pas optimizadas e sistemas eléctricos e electrónicos mellorados con respecto á versión anterior e está deseñada para funcionar en microrredes e redes débiles. Pode controlarse desde un smartphone comercial a través da súa propia aplicación.

• A empresa instalará a primeira unidade deste modelo no seu propio edificio corporativo de Lugo, 100% autoabastecido por renovables e desconectado da rede.

Lugo, 14 de xullo de 2017.- Norvento, compañía española de tecnoloxías renovables con ampcapacidade de actuación integral, anunciou hoxe o lanzamento da nova versión do seu aeroxerador nED100 para autoconsumo industrial.

Esta nova versión é máis fácil de transportar, instalar e operar, e o seu mantemento redúcese practicamente a unha revisión anual. Desenvolto integramente por Norvento, o novo aeroxerador nED100 está deseñado para o mercado de consumos enerxéticos medios, como os de granxas, instalacións industriais, instalacións portuarias ou complexos hostaleiros e de lecer, entre outros. O aeroxerador terá unhas medidas dispoñibles de entre 24 e 26 metros, o que permite adaptalo ás particularidades de cada emprazamento.

O novo nED100 pode alcanzar unha produción enerxética que oscila entre os 200 e 400 MWh en función do vento, e pode ser controlada en tempo real as 24 horas do día, todos os días do ano, a través dunha aplicación para smartphone. Ademais, a turbina pode ser despregada tanto en instalacións off-grid como en aquelas conectadas á rede grazas ás características especiais do seu convertedor electrónico de potencia.

Un deseño optimizado para satisfacer as esixencias do autoconsumo industrial

Mellorouse o deseño da pa do aeroxerador, que alcanza un diámetro de 24 metros sen necesidade de extensións, o que optimiza o rendemento aerodinámico e reduce o peso do rotor. Ademais, o novo modelo reforza o seu sistema de orientación, o que lle permite mellorar o seu funcionamento en condicións de vento alto e turbulento, frecuentes nos emprazamentos dos aeroxeradores.

A primeira unidade deste novo aeroxerador nED100 instalouse no novo edificio da sede central de Norvento en Lugo, que se alimentará integramente con enerxías renovables. Esta nova sede é un dos primeiros edificios corporativos de Europa 100% autosuficiente e illado da rede eléctrica.

Grazas ao éxito do despregamento das primeiras unidades nED100 no Reino Unido, a empresa adquiriu a experiencia necesaria para mellorar o deseño dun produto pioneiro, líder na súa categoría. Respecto diso, Manuel Pinilla, director comercial de Norvento, afirma que “completamos con éxito a curva de aprendizaxe do nED100, e agora atopámonos aínda máis capacitados para innovar e ofrecer ao sector unha tecnoloxía pioneira para o autoconsumo industrial”.

Sobre Norvento

Norvento é unha empresa española de tecnoloxías renovables con capacidade de actuación integral. Con sede en Lugo (Galicia), a compañía é 100% de capital español e leva máis de 35 anos operando no mercado. A actividade de Norvento abarca desde a fabricación de tecnoloxía, o deseño, promoción, construción e explotación de instalacións de enerxías renovables de xeración centralizada (parques eólicos fundamentalmente), ata proxectos de xeración distribuída para o sector industrial, así como solucións ad hoc de enxeñería enerxética. 

Cunha presenza activa en cinco mercados internacionais (Reino Unido, Brasil, Estados Unidos, Polonia e Italia), Norvento conta con máis de 700 MW en funcionamento e desenvolvemento.