Norvento presenta TECHnPower, unha nova marca que reflicte a súa aposta pola tecnoloxía de vangarda tras máis de 40 anos de innovación

• Norvento TECHnPower englobará, a partir de agora, a división tecnolóxica da firma galega, que inclúe diversas gamas de disruptivos produtos para a xeración, xestión e almacenaxe de enerxía renovable.

• TECHnPower representa tamén o salto tecnolóxico de Norvento cara a unha avanzada xeración de equipos a escala (Utility-Scale) que abren unha nova etapa para a empresa, ata agora especializada en protutos para o sector C&I e o autoconsumo.

• Este novo concepto de marca xorde da combinación das palabras TECH, en maiúsculas, para facer referencia á importancia que a innovación tecnolóxica ten para a empresa, a n en minúscula de Norvento, presente en tódolos seus produtos e Power, para exemplificar cómo a potencia e a enerxía están no centro da súa extratexia.

• Tódalas familias de produtos que compoñen TECHnPower serán fabricadas en neFO, a nova fábrica autosuficiente e neutra en emisións que Norvento constrúe en Lugo, a cal conta co apoio da Comisión Europea, quen achegou 27,5 millóns de euros do Innovation Fund para a súa posta en marcha.

Norvento presenta TECHnPower, unha nova marca para a súa división tecnolóxica, que representa a aposta da empresa pola tecnoloxía de vangarda tras unha traxectoria de maís de 40 anos de innovación no sector.

A nova marca Norvento TECHnPower pasa así a englobar tódalas gamas de disruptivos produtos tecnolóxicos para a xeración, xestión e almacenaxe de enerxía que Norvento deseñará e fabricará dende Lugo agora e no futuro, entre os que se atopan os seus aeroxeradores nED100, os seus convertidores de electrónica de pontencia nGM e os seus sistemas de almacenaxe de enerxía en baterías nBESS.

TECHnPower representa tamén o salto tecnolóxico que Norvento está a preparar e que se fará patente nos próximos meses: a súa entrada no mercado de equipos tecnolóxicos a escala comercial (Utility-Scale), un fito que abre unha nova etapa na empresa, ata o de agora centrada en desenvolver produtos únicamente para o sector comercial e industrial (C&I) e o autoconsumo.

Este novo concepto de marca xorde da combinación xorde da combinación das palabras TECH, en maiúsculas, unha referencia da importancia que a innovación tecnolóxica ten para a empresa dende as súas orixes hai máis de 40 anos, a n minúscula de Norvento, presente en tódolos seus produtos e Power, para exemplificar cómo a potencia e a enerxía están no centro da súa extratexia.

Innovación con propósito

A proposta de TECHnPower integra as solucións tecnolóxicas actuais da compañía, deseñadas e fabricadas 100% dende Lugo, como a incorporación de futuras novas innovacións. Entre os equipos que Norvento presentará nos próximos meses destaca unha nova familia de convertidores de electrónica de potencia Multi-MW utikity-scale, así como unha gama de aeroxeradores de alto rendemento para a repotenciación de parques eólicos e autoconsumo a gran escala. Cada un destes sistemas estará deseñado baixo os principios de robustez, eficiencia máxima, intelixencia operativa e sustentabilidade.

“Norvento TECHnPower é moito máis que tecnoloxía: é a expresión do noso compromiso coa innovación dende as nosas orixes. Detrás deste novo concepto hai máis de 40 anos de traballo e paixón por avanzar un paso por diante, por ser disruptivos, por transformar a forma na que xeramos e xestionamos a enerxía” asegura Pablo Fernández Castro, presidente de Norvento. “TECHnPower encarna a nosa visión do mañá, feita realidade grazas a un modelo empresarial único, no que reinvestimos os beneficios que obtemos xerando enerxía renovable, en deseñar e producir tecnoloxía de vangarda para a transición enerxética”, engade.

O presidente de Norvento tamén sinalou que “afrontamos esta nova etapa coa mesma ilusión e determinación coa que naceu Norvento fai máis de catro décadas. Grazas a elas logramos chegar a ser pioneiros no sector das enerxías renovables en Galicia e en España. TECHnPower supón un paso máis neste camiño, pero tamén unha declaración de principios: apostamos por un futuro baseado na independencia enerxética e tecnolóxica”.

neFO: a fábrica do futuro, hoxe

A marca Norvento TECHnPower atópase fortemente vinculada ao avance do proxecto neFO, a pioneira fábrica autosuficiente e neutra en emisións que Norvento está a construir en Lugo. Esta instalación albergará a produción de tódolos equipos TECHnPower unha vez posta en operación, e servirá como demostración práctica dos principios de sustentabilidade que guían a Norvento. Estímase que esta planta permitirá evitar a emisión anual de 187.000 toneladas de CO₂.

A relevancia do proxecto neFO foi recoñecida pola Comisión Europea, que lle otorgou unha axuda de 27,5 millóns de eutros a través do Innovation Fund, unha das iniciativas de fomento das tecnoloxías baixas en carbono máis importantes a nivel mundial. Dos 337 proxectos presentados procedentes de 27 países, neFO foi un dos 77 seleccionados e o único liderado por unha empresa española na súa categoría, adicada á fabricación de componentes para enerxías renovables co especial foco en solucións de almacenaxe.