Norvento valora positivamente o papel dado á xeración distribuída no informe da Comisión de Expertos para a Transición Enerxética

Madrid, 2 de abril de 2018.-  Norvento, empresa española de tecnoloxías renovables, valora de forma positiva o relevante papel que a Comisión de Expertos para a Transición Enerxética dá á xeración distribuída no informe entregado hoxe ao Goberno. 

Neste sentido, outros elementos inherentes á expansión da xeración distribuída son tamén de especial importancia para Norvento e tamén se mencionan no informe. 

Por exemplo, os relacionados coa construción sostible e a necesidade de concretar a normativa sobre edificios de consumo de enerxía case nulo (tamén coñecidos como edificios de enerxía cero). A empresa considera que hoxe en día xa se dispón de tecnoloxía suficientemente madura e aplicable, grazas ás microrredes, para dotar aos edificios e ás industrias no seu conxunto dun alto grao de independencia enerxética mediante a xeración e o consumo da súa propia enerxía renovable. O recentemente presentado Edificio CIne de Norvento, un dos máis avanzados do mundo nese campo, é un exemplo do que a tecnoloxía e as enerxías renovables xa poden conseguir.

Tamén se menciona o fortalecemento dunha política industrial baseada na sustentabilidade, a importancia dos sistemas de almacenamento ou a transición dun modelo de rede de distribución actualmente unidireccional a outros bidireccionais, flexibles e intelixentes que permitan o desenvolvemento da xeración distribuída e o autoconsumo. Todo iso representa, en opinión de 

Norvento, unha oportunidade para avanzar definitivamente cara a un sistema enerxético moito máis moderno, con máis participación e coherente cunhas tendencias que xa son imparables. 

En canto ao seu negocio de promoción de centrais de xeración renovable centralizada, Norvento coincide coa Comisión ao considerar necesario que o sistema proporcione sinais de investimento a longo prazo que permitan acometer este tipo de proxectos cun horizonte de ingresos razoablemente definido.

Así pois, Norvento fai unha valoración amplamente satisfactoria deste informe, aínda que con cautela e prudencia, xa que se trata dun documento cuxo camiño cara á materialización lexislativa non fixo máis que empezar.

Sobre Norvento

Norvento é unha empresa española de tecnoloxías renovables con capacidade de actuación integral. Con sede en Lugo (Galicia), a compañía é 100% de capital español e leva máis de 35 anos operando no mercado. A actividade de Norvento abarca desde a fabricación de tecnoloxía, o deseño, promoción, construción e explotación de instalacións de enerxías renovables de xeración centralizada (parques eólicos fundamentalmente), ata proxectos de xeración distribuída para o sector industrial, así como solucións ad hoc de enxeñería enerxética. 

Cunha presenza activa en cinco mercados internacionais (Reino Unido, Brasil, Estados Unidos, Polonia e Italia), Norvento conta actualmente con 120 MW en funcionamento en España e un pipeline de máis de 540MW en diferentes fases de desenvolvemento.