Pablo Fernández Castro Presidente de Norvento Enerxía «A independencia enerxética é un dos piares para evitar efectos negativos na economía»

O fundador de Norvento debullará mañá en Pontevedra as potencialidades das renovables, ao seu xuízo, unha ferramenta clave para minguar a crise da enerxía e reducir a dependencia do exterior.

O foro de empresa de Pontevedra elixiu ao empresario lucense Pablo Fernández Castro para expoñer mañá ante a patronal da provincia o presente e futuro do sector enerxético. Enxeñeiro superior electromecánico e industrial polo ICAI, fundou en 1981 Norvento, unha empresa que comezou sendo unha pequena firma de enxeñería e que hoxe se consolidou como un dos grupos enerxéticos máis importantes do país.

A súa sede é capaz de funcionar desconectada da rede e a fábrica que ten en fase de desenvolvemento seguirá os seus pasos. Fernández é firme defensor das capacidades das enerxías verdes e, aínda que advirte de que se necesitan fontes enerxéticas de respaldo para os momentos de transición, asevera que as renovables son piar clave para loitar contra esta e outras posibles futuras crises da enerxía.

Podes ler toda a información na nota de prensa