Proxecto «EMSPILOTUERTO»

Norvento Enerxía Distribuída Plus, Enfasys Enxeñaría e EDP España levan a cabo o proxecto denominado "Desenvolvemento dunha metodoloxía de xestión intelixente da enerxía en centrais hidroeléctricas mediante hibridación das unidades de xeración" (Nº Expediente: IDE/2023/000503), cuxo principal obxectivo é a investigación orientada á obtención de novos coñecementos para o desenvolvemento dunha metodoloxía e dunha ferramenta que permita xestionar o almacenamento de enerxía a base de baterías, que se cargarán a través de hidro-tornados que xeran enerxía hidráulica, presentes no embalse de Pilotuerto, en Asturias.

Para isto, plantexase o desenvolvemento dun convertidor de 50 kVA para transformar a enerxía xerada por un sistema de tornados de Arquímedes e almacenala nun sistema de baterías, xestionado todo iso a través dun sistema de xestión de enerxía (EMS) externo.

Durante o proxecto trabállase no desenvolvemento dun prototipo co que validar a solución proposta, avaliar diferentes estratexias de optimización enerxética e analizar a escalabilidade da solución convertidor + EMS para instalacións hidroeléctricas de máis potencia (200 kVA, 400 kVA, etc.), así como para outros tipos de instalacións de fontes renovables.

Con isto, preténdese contribuír á mellora da eficiencia enerxética, permitindo o almacenamento e a xestión intelixente das fontes de enerxía renovables como a hidráulica, a través de sistemas de almacenamento que aproveiten os períodos de baixa demanda e a minimización de perdas nos procesos de conversión e transmisión da enerxía.

Este proxecto de investigación industrial foi financiado a través do programa de Proxectos de I+D da Axencia de Ciencia, Competitividade Empresarial e Innovación do Principado de Asturias (SEKUENS), cofinanciado pola Unión Europea a través dunha axuda de 38.654,56 €.

< Integración dun novo conduto para o caudal ecolóxico na presa da CH Barreiro Proxecto «Norvento e-Mobility» >