Proxecto VARAL

O noso equipo de Bioenerxía participa en diversos proxectos de investigación, como o proxecto VARAL no que Norvento, xunto a outras empresas galegas, desenvolveron unha planta de valorización integral de subproductos e efluentes residuais do sector lácteo. Este proxecto, enmarcado no programa CONECTAPEME 2018, está financiado pola Xunta de Galicia a través da Axencia Galega de Innovación ( GAIN) e o apoio da Consellería de Economía, Emprego e Industria e está cofinanciado con cargo a Fondos FEDER no marco do eixo 1 do programa operativo Feder Galicia 2014-2020.

O principal obxectivo do proxecto VARAL é o desenvolvemento de tecnoloxías de membrana, anaerobia e humidais construídos, críticas para a validación dun novo concepto de planta modular de valorización de subproductos e efluentes residuais da industria láctea obtendo produtos de valor engadido, auga de regadío ou de proceso e biogás para autoabastecimiento. 

Ao longo do 2019 levaron a cabo as obras necesarias para a construción da planta integral VARAL nas instalacións da Quesería Prestes situada en Villalba (Lugo). 

Construíronse e instalado todas as unidades de tratamento que forman parte da planta piloto: digestor anaerobio metanogénico ( UASB), digestor anaerobio hidrolítico ( HUSB), humidais verticais, humidais de lodo e unidade de nanofiltración e ósmosis inversa. 

Tamén se empezaron a realizar a caracterización e as primeiras probas de testado dos concentrados obtidos despois da máquina de nanofiltración e ósmosis inversa serán para o seu uso como compostos alimentarios.

Durante a seguinte anualidade do proxecto realizarase a validación deste sistema integral de tratamento de efluentes do sector lácteo para o que se aplicarán diferentes cargas orgánicas e hidráulicas para optimizar as mellores condicións de operación e alcanzar os maiores rendementos de depuración.

O redeseño, integración e operación innovadora de sistemas de membranas, anaerobios e humidais construídos proposto polo sistema integral VARAL permitirá obter un sistema integral ambiental e economicamente viable, dado que as tecnoloxías son complementarias e a súa combinación minimiza as desvantaxes e maximiza as vantaxes de cada tecnoloxía.

Para afrontar este ambicioso reto, consolidouse un consorcio multisectorial de cinco Pemes galegas, coas capacidades e o coñecemento necesario para cubrir todas as actividades do proxecto:

GLAUCOR INGENIERIA é o líder do proxecto debido a que a súa experiencia previa permítelle ter unha visión global do sistema integral proposto en VARAL.

NORVENTO ENERXIA, como experta en dixestión anaerobia e produción de biogás.

DAIRYLAC achegará os seus coñecementos sobre o proceso de valorización de soro e os requisitos e calidades que deben cumprir os produtos obtidos para a súa posterior comercialización.

INDUTEC achegará a súa experiencia sobre xestión ambiental, escalado e sistemas de tratamento de augas residuais na industria agroalimentaria.

O consorcio conta cun punto forte que é a posibilidade de validalo nunha contorna real a escala piloto grazas a PRESTES QUESERÍA que cederá as súas instalacións e colaborará na optimización da planta piloto.

Ademais, contan coa colaboración do centro tecnolóxico AIMEN con gran experiencia no I+D a nivel nacional e internacional.

Este proxecto VARAL, enmarcado no programa CONECTAPEME 2018, está financiado pola Xunta de Galicia a través da Axencia Galega de Innovación ( GAIN) e o apoio da Consellería de Economía, Emprego e Industria e está cofinanciado con cargo a Fondos FEDER no marco do eixo 1 do programa operativo Feder Galicia 2014-2020.